ਅੱਖਾਂ ਖੋਲ੍ਹ ਕੇ ਜ਼ਰਾ ਹੁਣ ਸੁਰਤ ਕਰ ਲੈ, ਇਕੋ ਟੱਬਰ ਦੇ ਮੋਹ ਵਿਚ ਲੇਟੀ ਏਨੀਂ।
‘ਖੇੜੇ’ ਮਾਲਕ ਹੁਣ ਖੜ੍ਹੇ ਉਡੀਕਦੇ ਐ, ਬੋਲ ‘ਰਾਂਝ ੇਦੀਏ ਹੀਰ’ ਸਲੇਟੀਏ ਨੀਂ।
ਵਕਤ ਆ ਗਿਆ ਅੱਗਾ ਸਵਾਰਨੇ ਦਾ, ਪਹਿਲੇ ‘ਕਾਰਿਆਂ’ ਤਾਈਂ ਸਮੇਟੀਏ ਨੀਂ।
ਘਰੇ ਭੇਜਦੇ ‘ਵੱਡਿਆਂ ਦੋਸ਼ੀਆਂ’ ਨੂੰ, ਜੀ-ਹਜ਼ੂਰੀਏ ਮਾਫੀ ਲਈ ਭੇਟੀਏ ਨੀਂ।
ਪੈਰੀਂ ਪੰਥ ਦੇ ਡਿੱਗ ਬਖਸ਼ਾਉਣ ਭੁੱਲਾਂ, ‘ਲੱਲੇ-ਭੱਬੇ’ ਨਾ ਲਾਈਂ ਅਲ਼ਸੇਟੀਏ ਨੀਂ।
‘ਸਿੰਘਾਂ ਵਾਲ਼ਾ’ ਕੋਈ ਕੰਮ ਅਖੀਰ ਕਰ ਲੈ, ਬਾਦਲ ਦਲ ਦੀਏ ‘ਕੋਰ ਕਮੇਟੀਏ’ ਨੀਂ!
-ਤਰਲੋਚਨ ਸਿੰਘ ਦੁਪਾਲ ਪੁਰ