ਨਸ਼ਿਆਂ ਖਿਲਾਫ ਨੁਸਖਾ!

ਕਿਹਾ ਹੋਇਆ ਏ ਸੱਚ ਸਿਆਣਿਆਂ ਨੇ, ਭੂਤ ਲਾਤੋਂ ਕੇ ਬਾਤੋਂ ਸੇ ਮਾਨਤੇ ਨਹੀਂ।
ਯਾਰੀ ਜਿਨ੍ਹਾਂ ਦੀ ḔਉਤਲਿਆਂḔ ਨਾਲ ਹੁੰਦੀ, ਕੋਈ ਕੜਾ-ਕਾਨੂੰਨ ਪਹਿਚਾਨਤੇ ਨਹੀਂ।
ਹੁੰਦਾ ਜਿਨ੍ਹਾਂ ਦੇ ਮੂੰਹਾਂ ਨੂੰ ਲਹੂ ਲੱਗਾ, ਉਹ ਅਪੀਲਾਂ-ਦਲੀਲਾਂ ਨੂੰ ਜਾਨਤੇ ਨਹੀਂ।
ਗੁਰੂਆਂ, ਪੀਰਾਂ ਦੇ ਵਾਸਤੇ ਪਾਉ ਭਾਵੇਂ, ਉਹ ਧਰਮ-ਈਮਾਨ ਸਨਮਾਨਤੇ ਨਹੀਂ।
ਆਪੋ ਆਪਣੇ ਜੀਅ ਸੰਭਾਲ ਲਈਏ, ਨਸ਼ੇ ਰੋਕਣਗੇ ਨਹੀਂ ਸਰਕਾਰੀਏ ਜੀ।
ਨਸ਼ੇ ਵੰਡਦਾ ਜਿਹੜਾ ਕੋਈ ਹੱਥ ਆਵੇ, ਉਹਦੀ ਰੱਜ ਕੇ ਭੁਗਤ ਸਵਾਰੀਏ ਜੀ!