ਭੇਖਧਾਰੀ ਬਲਾਤਕਾਰੀ!

ਵਾਂਗੂੰ ਭੇਡਾਂ ਦੇ ਮੁੰਨ ਕੇ ਚੇਲਿਆਂ ਨੂੰ, ਡੇਰੇ ਸਾਧਾਂ ਦੇ ਕਰਨ ਤਰੱਕੀਆਂ ਜੀ।
ਅੰਨੇ ਪਤੀ ਨਾ ਦੇਖਦੇ ਪਤਨੀਆਂ ਨੂੰ, ਪੂਛਾਂ ਕਿੱਧਰ ਨੂੰ ਇਨ੍ਹਾਂ ਨੇ ਚੱਕੀਆਂ ਜੀ।
ਕੋਈ ਵਿਰਲੀ ਕਰਤੂਤ ਹੀ ਫੜ੍ਹੀ ਜਾਵੇ, ਬਾਕੀ ਚੋਲਿਆਂ ਥੱਲੇ ਹੀ ਢੱਕੀਆਂ ਜੀ।
ਸੱਚ ਦਿਸੇ ਨਾ ਅੰਧਵਿਸ਼ਵਾਸੀਆਂ ਨੂੰ, ਕਲਮਾਂ ਲਿਖਦੀਆਂ ਲਿਖਦੀਆਂ ਥੱਕੀਆਂ ਜੀ।
ਸਾਧੂ ਭੇਸ ਵਿਚ ਹੋਏ ਨੇ ਬਲਾਤਕਾਰੀ, ਜਾਂਦਾ ਜੇਲ੍ਹ ਨੂੰ ਦੇਖ ਕੇ ਪਿਘਲਦੇ ਨੇ।
ਲੱਖ ਲਾਹਣਤਾਂ ਪਾਓ ਉਨ੍ਹਾਂ ‘ਸ਼ਰਧਾਲੂਆਂ’ ਨੂੰ, ਅੱਖੀਂ ਦੇਖ ਕੇ ਮੱਖੀ ਜੋ ਨਿਗਲਦੇ ਨੇ!