ਕੈਨੇਡੀਅਨ ਪ੍ਰਾਹੁਣੇ

ਕਦੇ ਭਰਿਆ ਜਹਾਜ ਸੀ ਮੋੜ ਦਿੱਤਾ, ਪੈਰ ਧਰਨ ਨਾ ਦਿੱਤਾ ਪਰਵਾਸੀਆਂ ਨੂੰ।
ਪੜ੍ਹ ਕੇ ਦੇਖ ਇਤਿਹਾਸ ਹੈਰਾਨ ਹੋਈਏ, ਹੋਈਆਂ ਬਦਲੀਆਂ ਦੇਖ ਕੇ ਖਾਸੀਆਂ ਨੂੰ।
ਸਿੱਖਾਂ ਆਣ ਕੈਨੇਡਾ ‘ਚ ਵਾਸ ਕੀਤਾ, ਦਿਲ ਵਿਚ ਦਰਦ ਲੈ ਸਾਕੇ ਚੌਰਾਸੀਆਂ ਨੂੰ।
ਦੁਸ਼ਮਣ ਦੁਖੀ ਪੰਜਾਬ ਦੇ ਦੇਖ ਹੁੰਦੇ, ਆਈਆਂ ਸਿੱਖਾਂ ਦੇ ਬੁੱਲ੍ਹਾਂ ‘ਤੇ ਹਾਸੀਆਂ ਨੂੰ।
ਅੰਮਾ ਜਾਇਆ ਈ ਹੁੰਦਾ ਹੈ ਘਰੇ ਆਇਆ, ਰੁਤਬਾ ਸਮਝੀਏ ਉਹਦਾ ਭਗਵਾਨ ਉਤੋਂ।
ਜਾਣ ਲਿਆ ਟਰੂਡੋ ਦੇ ਸਾਥੀਆਂ ਨੇ, ਜਾਈਏ ਸਦਕੜੇ ਅਸੀਂ ਮਹਿਮਾਨ ਉਤੋਂ!