ਚੋਰ ਡਾਂਟੇ ਕੋਤਵਾਲ ਨੂੰ!

ਲੋਕ ਰਾਜ ਦੇ ਬਾਗ ਦਾ ਹਾਲ ਦੇਖੋ, ਫਿਰਦੇ ਗਧੇ ਨੇ ਵਾਂਗ ਰਖਵਾਲਿਆਂ ਦੇ।
ਕਾਰੇ ਦੇਖ ਕੇ ਲੋਕ ਪਛਤਾਉਣ ਲੱਗਦੇ, ਵੋਟਾਂ ਪਾਇ ਕੇ ਸਿਰੀਂ ਬਹਾਲਿਆਂ ਦੇ।
ਉਹ ਧੀਆਂ ਦੀ ਅਜ਼ਮਤ ਦਾ ‘ਫਿਕਰ’ ਦੱਸੇ, ਬਣੇ ਜਿਹਦੇ ‘ਤੇ ਕੇਸ ਉਧਾਲਿਆਂ ਦੇ।
ਸੱਤਾ ਪੱਖ ਦੇ ਅੱਖਾਂ ‘ਚ ਰੜਕਦਾ ਏ, ਕੱਢੇ ਕਾਂਡ ਜੋ ਘਾਲਿਆਂ-ਮਾਲਿਆਂ ਦੇ।
ਰਿਸ਼ਵਤਖੋਰੀ ਦੀ ਕਰੇ ਸ਼ਿਕਾਇਤ ਜਿਹੜਾ, ਹਾਕਮ ਉਹਦੇ ‘ਤੇ ਰੋਹਬ ਹੁਣ ਛਾਂਟਦਾ ਏ।
ਰਿਹਾ ਠੱਗਾਂ ਨੂੰ ਖੌਫ ਨਾ ਪੁਲਿਸ ਵਾਲਾ, ਕਿਉਂਕਿ ਚੋਰ ਕੋਤਵਾਲ ਨੂੰ ਡਾਂਟਦਾ ਏ!