ਡੇਰੇਦਾਰਾਂ ਲਈ ਘੰਟੀ!

ਸੂਰਤ ਬਦਲਦੀ ਰਹੀ ਬਹਿਰੂਪੀਏ ਦੀ, ਨੰਗੇ ਸਿਰ ਫਿਰ ਪੱਗ ਤੋਂ ਹੈਟ ਹੋਈ।
ਭੇਖਾਂ ਹੇਠ ਬਦਮਾਸ਼ੀਆਂ ਹੁੰਦੀਆਂ ਨੇ, ਲੱਖਾਂ ਲੋਕਾਂ ਨੂੰ ਲੱਗਦੈ ਲੈਟ ਹੋਈ।
ਫਿਲਮਾਂ ਵਿਚ ਸੀ ਗਰਜਦਾ ਸ਼ੇਰ ਵਾਂਗੂੰ, ਜਾ ਕੇ ਜੇਲ੍ਹ ਵਿਚ ਭਿੱਜੀਓ ਕੈਟ ਹੋਈ।
ਡੇਰਾ ਸਾਧਵੀ ਗੁਫਾ ਤੇ ‘ਮਾਫੀਆਂ’ ਦੀ, ਸੋਸ਼ਲ ਮੀਡੀਏ ਉਤੇ ਇਹ ਚੈਟ ਹੋਈ।
ਹੁਣ ਤਾਂ ਹੋ ਗਿਆ ਹੋਣਾ ਏ ਚੌੜ-ਚਾਨਣ, ਜਿਨ੍ਹਾ ਅੱਖਾਂ ‘ਤੇ ‘ਸ਼ਰਧਾ’ ਦੀ ਫੈਟ ਹੋਈ।
ਡੇਰੇਦਾਰਾਂ ਨੂੰ ਚਾਹੀਦੀ ਅਕਲ ਆਉਣੀ, ਸਾਹਵੇਂ ਦੇਖ ਕੇ ‘ਢਿੰਬਰੀ’ ਟੈਟ ਹੋਈ!