ਪ੍ਰੋ.ਪਰਮਜੀਤ ਸਿੰਘ ਨਿੱਕੇ ਘੁੰਮਣ
ਸੰਨ 1932 ਵਿੱਚ ਰਿਲੀਜ਼ ਹੋਈ ਫ਼ਿਲਮ ‘ਹੀਰ ਰਾਂਝਾ` ਜਿਸਦਾ ਅਸਲ ਸਿਰਲੇਖ ‘ਹੂਰ` ਰੱਖਿਆ ਗਿਆ ਸੀ , ਨੂੰ ਪੰਜਾਬੀ ਸਿਨੇਮਾ ਦੀ ਪਹਿਲੀ ਫ਼ਿਲਮ ਆਖਿਆ ਜਾ ਸਕਦਾ ਹੈ। ਇਸ ਫ਼ਿਲਮ ਦੇ ਨਿਰਮਾਤਾ ਹਕੀਮ ਰਾਮ ਪ੍ਰਸਾਦ ਅਤੇ ਨਿਰਦੇਸ਼ਕ ਏ.ਆਰ. ਕਾਰਦਾਰ ਸਨ।ਇਸ ਤੋਂ ਬਾਅਦ ਸੰਨ 1935 ਵਿਚ ਬਣੀ ਬਹੁ ਚਰਚਿਤ ਫ਼ਿਲਮ ‘ਪਿੰਡ ਦੀ ਕੁੜੀ` ਦਾ ਨਿਰਦੇਸ਼ਨ ਸ੍ਰੀ ਕੇ.ਡੀ.ਮਹਿਰਾ ਨੇ ਦਿੱਤਾ ਸੀ ਤੇ ਇਸ ਫ਼ਿਲਮ ਵਿੱਚ ਉੱਘੀ ਗਾਇਕਾ ਨੂਰਜਹਾਂ ਨੇ ਗੀਤ ਵੀ ਗਾਏ ਸਨ ਤੇ ਅਦਾਕਾਰੀ ਦੇ ਜੌਹਰ ਵੀ ਵਿਖ਼ਾਏ ਸਨ।
ਸੰਨ 1947 ਵਿੱਚ ਮੁਲਕ ਦੇ ਬਟਵਾਰੇ ਤੋਂ ਬਾਅਦ ਜਿਹੜੀ ਪਹਿਲੀ ਪੰਜਾਬੀ ਫ਼ਿਲਮ ਰਿਲੀਜ਼ ਹੋਈ ਸੀ ਉਸਦਾ ਨਿਰਦੇਸ਼ਕ ਆਰ. ਕੇ. ਸ਼ੋਰੀ ਸੀ।ਸੰਨ 1948 ਤੋਂ ਲੈ ਕੇ ਸੰਨ 1964 ਤੱਕ ਸੁਪਰਹਿੱਟ ਰਹੀਆਂ ਪੰਜਾਬੀ ਫ਼ਿਲਮਾਂ ਵਿੱਚ ‘ਲੱਛੀ, ਮੁੰਦਰੀ, ਫ਼ੇਰੇ, ਪੋਸਤੀ ਅਤੇ ਭੰਗੜਾ` ਆਦਿ ਫ਼ਿਲਮਾਂ ਦੇ ਨਾਂ ਪ੍ਰਮੁੱਖ ਸਨ। ਸੰਨ 1964 ਵਿੱਚ ਬਣੀ ਫ਼ਿਲਮ ‘ਸਤਲੁਜ਼ ਦੇ ਕੰਢੇ` ਪੰਜਾਬੀ ਦੀ ਪਹਿਲੀ ਮਲਟੀਸਟਾਰਰ ਫ਼ਿਲਮ ਸੀ ਜਿਸ ਵਿੱਚ ਬਲਰਾਜ ਸਾਹਨੀ,ਨਿਸ਼ੀ, ਵਾਸਤੀ , ਮਿਰਜ਼ਾ ਮੁਸ਼ਰੱਫ਼ ਸਣੇ ਕਈ ਵੱਡੇ ਸਿਤਾਰਿਆਂ ਨੇ ਕੰਮ ਕੀਤਾ ਸੀ।ਇਹ ਫ਼ਿਲਮ ਰਾਸ਼ਟਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤੀ ਗਈ ਸੀ।ਸੰਨ 1969 ਵਿੱਚ ਆਈ ਫ਼ਿਲਮ` ਨਾਨਕ ਨਾਮ ਜਹਾਜ਼ ਹੈ` ਨੇ ਤਾਂ ਸਫ਼ਲਤਾ ਦੇ ਸਾਰੇ ਰਿਕਾਰਡ ਮਾਤ ਪਾ ਦਿੱਤੇ ਸਨ। ਪ੍ਰਿਥਵੀ ਰਾਜ ਕਪੂਰ, ਵਿੰਮੀ, ਆਈ.ਐਸ. ਜੌਹਰ, ਸੋਮ ਦੱਤ,ਨਿਸ਼ੀ ਅਤੇ ਡੇਵਿਡ ਜਿਹੇ ਅਦਾਕਾਰਾਂ ਨਾਲ ਸਜੀ ਇਹ ਫ਼ਿਲਮ ਪੰਜਾਬੀ ਸਿਨੇਮਾ ਦੀ ਪਹਿਲੀ ‘ਬਲਾਕਬਸਟਰ` ਫ਼ਿਲਮ ਹੋਣ ਦਾ ਸ਼ਰਫ਼ ਰੱਖਦੀ ਹੈ। ਇਸ ਤੋਂ ਬਾਅਦ ਕਈ ਸੁਪਰਹਿੱਟ ਪੰਜਾਬੀ ਫ਼ਿਲਮਾਂ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣੀਆਂ ਤੇ ਫਿਰ ਸੰਨ 1980 ਦੇ ਨੇੜੇ ਤੇੜੇ ‘ਜੱਟ` ਸ਼ਬਦ ਨੂੰ ਕਲਾਵੇ ਵਿੱਚ ਲੈਂਦੀਆਂ ਬੇਸ਼ੁਮਾਰ ਫ਼ਿਲਮਾਂ ਬਣੀਆਂ ਜਿਨ੍ਹਾ ਵਿੱਚੋਂ ਬਹੁਤੀਆਂ ਤਾਂ ਅਸਫਲ ਰਹੀਆਂ ਪਰ ਅਦਾਕਾਰ-ਨਿਰਦੇਸ਼ਕ ਵਰਿੰਦਰ ਕਈ ਸਫ਼ਲ ਫ਼ਿਲਮਾਂ ਦੇਣ ਵਿੱਚ ਕਾਮਯਾਬ ਰਿਹਾ। ਫ਼ਿਲਮ ‘ਜੱਟ ਤੇ ਜ਼ਮੀਨ` ਦੀ ਸ਼ੂਟਿੰਗ ਵੇਲੇ ਅੱਤਵਾਦੀਆਂ ਨੇ ਵਰਿੰਦਰ ਨੂੰ ਗੋਲੀਆਂ ਮਾਰ ਕੇ ਮਾਰ ਦਿੱਤਾ।ਉਪਰੰਤ ‘ਮੜ੍ਹੀ ਦਾ ਦੀਵਾ,ਕਚਹਿਰੀ ਅਤੇ ਇੱਕਾ ਦੁੱਕਾ ਹੋਰ ਫ਼ਿਲਮਾਂ ਤੋ. ਇਲਾਵਾ ਅਧਿਕਤਰ ਫ਼ਿਲਮਾਂ ਫ਼ਲਾੱਪ ਰਹੀਆਂ ਤੇ ਫਿਰ ਸੰਨ 1999 ਵਿੱਚ ਆਈ ‘ਮਾਹੌਲ ਠੀਕ ਹੈ` ਅਤੇ ਸੰਨ 2001 ਵਿੱਚ ਆਈ ਫ਼ਿਲਮ ‘ ਜੀ ਆਇਆਂ ਨੂੰ ‘ ਨੇ ਪੰਜਾਬੀ ਸਿਨੇਮਾ ਨੂੰ ਮੁੜ ਕਾਮਯਾਬੀ ਦੇ ਸਫ਼ਰ ਤੇ ਪਾ ਦਿੱਤਾ ਜਿੱਥੇ ਹੁਣ ਇਹ ਆਪਣੀ ਭਰ ਜਵਾਨੀ ਹੰਢਾਅ ਰਿਹਾ ਹੈ ਤੇ ਨਿੱਤ ਨਵੀਆਂ ਮੰਜ਼ਿਲਾਂ ਸਰ ਕਰ ਰਿਹਾ ਹੈ।ਤਾਜ਼ਾ ਰਿਲੀਜ਼ ‘ ਕੈਰੀ ਆਨ ਜੱਟਾ 3` ਦੇ ਸੌ ਕਰੋੜੀ ਕਲੱਬ ਵਿੱਚ ਸ਼ਾਮਿਲ ਹੋ ਜਾਣ ਨਾਲ ਪੰਜਾਬੀ ਸਿਨੇਮਾ ਨੇ ਇਕ ਨਵਾਂ ਮਾਅਰਕਾ ਮਾਰਿਆ ਹੈ ਤੇ ਇਸਨੂੰ ਇਕ ਫ਼ਖ਼ਰਯੋਗ ਪ੍ਰਾਪਤੀ ਕਿਹਾ ਜਾ ਸਕਦਾ ਹੈ।
ਬਹੁਤ ਘੱਟ ਦਰLਸਕ ਤੇ ਪਾਠਕ ਜਾਣਦੇ ਹਨ ਕਿ ਸੰਨ 1981 ਵਿੱਚ ਬਣੀ ਫ਼ਿਲਮ ‘ਵਿਲਾਇਤੀ ਬਾਬੂ` ਵਿੱਚ ਬਾਲੀਵੁੱਡ ਦੇ ਮਹਾਂਨਾਇਕ ਅਮਿਤਾਬ ਬੱਚਨ ਅਤੇ ਅਦਾਕਾਰਾ ਰੀਨਾ ਰਾਏ ਨੇ ਮਹੱਤਵਪੂਰਨ ਭੂਮਿਕਾਵਾਂ ਅਦਾ ਕੀਤੀਆਂ ਸਨ। ਇਸੇ ਤਰ੍ਹਾਂ ਬਾਲੀਵੁੱਡ ਦੇ ਹੀਮੈਨ ਅਖਵਾਉਂਦੇ ਧਰਮਿੰਦਰ ਨੇ ‘ ਗਿੱਧਾ, ਕਣਕਾਂ ਦੇ ਓਹਲੇ, ਦੋ ਸ਼ੇਰ,ਪੁੱਤ ਜੱਟਾਂ ਦੇ,ਕੁਰਬਾਨੀ ਜੱਟ ਦੀ, ਡਬਲ ਦੀ ਟਰਬਲ,ਸੰਤੋ ਬੰਤੋ, ਰਾਂਝਣ ਮੇਰਾ ਯਾਰ,ਤੇਰੀ ਮੇਰੀ ਇਕ ਜਿੰਦੜੀ` ਆਦਿ ਸਮੇਤ ਕੁਝ ਹੋਰ ਪੰਜਾਬੀ ਫ਼ਿਲਮਾਂ ਨੂੰ ਭਾਗ ਲਾਏ ਹਨ।ਬਾਲੀਵੁੱਡ ਦੇ ‘ਜੁਬਲੀ ਸਟਾਰ` ਕਹੇ ਜਾਂਦੇ ਰਜਿੰਦਰ ਕੁਮਾਰ ਨੇ ਫ਼ਿਲਮ ‘ਦੋ ਸ਼ੇਰ` ਵਿੱਚ ਵੱਡੀ ਭੂਮਿਕਾ ਅਦਾ ਕੀਤੀ ਸੀ ਜਦੋਂ ਕਿ ਬਾਲੀਵੁੱਡ ਦੇ ਪਹਿਲੇ ਸੁਪਰ ਸਟਾਰ ਅਖਵਾਉਣ ਵਾਲੇ ਰਾਜੇਸ਼ ਖੰਨਾ ਨੇ ‘ਤਿਲ ਤਿਲ ਦਾ ਲੇਖਾ` ਅਤੇ ‘ ਸਵਾ ਲਾਖ ਸੇ ਏਕ ਲੜਾਊਂ` ਨਾਮਕ ਫ਼ਿਲਮਾਂ ਰਾਹੀਂ ਪਾਲੀਵੁੱਡ ਵਿੱਚ ਆਪਣੀ ਹਾਜ਼ਰੀ ਦਰਜ ਕੀਤੀ ਸੀ।ਸ਼ਤਰੂਘਨ ਸਿਨਹਾ ਨੇ ਫ਼ਿਲਮ ‘ ਪੁੱਤ ਜੱਟਾਂ ਦੇ ਅਤੇ ਮੇਰਾ ਪੰਜਾਬ`, ਵਿਨੋਦ ਖੰਨਾ ਨੇ ‘ ਚੂੜੀਆਂ`, ਮਨੋਜ਼ ਕੁਮਾਰ ਨੇ ‘ ਜੱਟ ਪੰਜਾਬੀ`, ਬਲਰਾਜ ਸਾਹਨੀ ਨੇ ‘ ਸਤਲੁਜ ਦੇ ਕੰਢੇ ਅਤੇ ਨਾਨਕ ਦੁਖੀਆ ਸਭ ਸੰਸਾਰ`, ਪ੍ਰਿਥਵੀ ਰਾਜ ਕਪੂਰ ਨੇ ‘ ਨਾਨਕ ਨਾਮ ਜਹਾਜ਼ ਹੈ,ਨਾਨਕ ਦੁਖੀਆ ਸਭ ਸੰਸਾਰ ਅਤੇ ਮੇਲੇ ਮਿੱਤਰਾਂ ਦੇ` ਸੰਜੀਵ ਕੁਮਾਰ ਨੇ ‘ ਉਡੀਕਾਂ`, ਆਈ. ਐਸ. ਜੌਹਰ ਨੇ ‘ਛੜਿਆਂ ਦੀ ਡੋਲੀ,ਨਾਨਕ ਨਾਮ ਜਹਾਜ਼ ਹੈ ਅਤੇ ਯਮਲਾ ਜੱਟ ‘ ਅਤੇ ਅਦਾਕਾਰ ਨਵੀਨ ਨਿਸ਼ਚਲ ਨੇ ‘ਤੇਰੇ ਰੰਗ ਨਿਆਰੇ,ਮਿੱਤਰ ਪਿਆਰੇ ਨੂੰ,ਮਾਹੌਲ ਠੀਕ ਹੈ ਅਤੇ ਸਵਾ ਲਾਖ ਸੇ ਏਕ ਲੜਾਊਂ` ਨਾਮਕ ਪੰਜਾਬੀ ਫ਼ਿਲਮਾਂ ਵਿੱਚ ਆਪਣੀ ਅਭਿਨੈ ਪ੍ਰਤਿਭਾ ਦਾ ਮੁਜ਼ਾਹਰਾ ਕੀਤਾ ਸੀ।ਅਦਾਕਾਰ ਭਾਰਤ ਭੂਸ਼ਨ,ਫ਼ਿਰੋਜ਼ ਖ਼ਾਨ,ਯੋਗਿਤਾ ਬਾਲੀ,ਅਭੀ ਭੱਟਾਚਾਰੀਆ ,ਰਣਧੀਰ ਕਪੂਰ, ਮੋਹਨ ਚੋਟੀ ਅਤੇ ਜੈ ਸ੍ਰੀ ਗਡਕਰ ਜਿਹੇ ਨਾਮੀ ਬਾਲੀਵੁੱਡ ਕਲਾਕਾਰਾਂ ਨੂੰ ਅਦਾਕਾਰ ਤੇ ਨਿਰਦੇਸ਼ਕ ਦਾਰਾ ਸਿੰਘ ਨੇ ਆਪਣੀਆਂ ਫ਼ਿਲਮਾਂ ‘ਭਗਤ ਧੰਨਾ ਜੱਟ ਅਤੇ ਧਿਆਨੂੰ ਭਗਤ` ਰਾਹੀਂ ਪੰਜਾਬੀ ਸਿਨੇ ਪ੍ਰੇਮੀਆਂ ਦੇ ਸਨਮੁੱਖ ਪੇਸ਼ ਕੀਤਾ ਸੀ।
ਬਾਲੀਵੁੱਡ ਦੇ ਵਿਲੱਖਣ ਅਦਾਕਾਰ ਪ੍ਰਾਣ ਨੇ ਤਾਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਹੀ ਪੰਜਾਬੀ ਫ਼ਿਲਮ ‘ ਯਮਲਾ ਜੱਟ` ਰਾਹੀਂ ਸੰਨ 1940 ਵਿੱਚ ਕੀਤੀ ਸੀ ਤੇ ਫਿਰ ਉਸਨੇ ‘ਛਾਈ,ਚੌਧਰੀ ਕਰਨੈਲ ਸਿੰਘ ਅਤੇ ਨਾਨਕ ਦੁਖੀਆ ਸਭ ਸੰਸਾਰ` ਜਿਹੀਆਂ ਸੁਪਰਹਿੱਟ ਫ਼ਿਲਮਾਂ ਵੀ ਦਿੱਤੀਆਂ ਸਨ।ਓਮ ਪੁਰੀ ਨੇ ਤਾਂ ‘ਚੰਨ ਪ੍ਰਦੇਸੀ, ਲੌਂਗ ਦਾ ਲਿਸ਼ਕਾਰਾ, ਯਾਰੀਆਂ, ਆ ਗਏ ਮੁੰਡੇ ਯੂ.ਕੇ. ਦੇ, ਭਾਜੀ ਇਨ ਪ੍ਰਾਬਲਮ ਅਤੇ ਚਾਰ ਸਾਹਿਬਜ਼ਾਦੇ` ਜ਼ਿਹੀਆਂ ਫ਼ਿਲਮਾਂ ਕਰਕੇ ਕਮਾਲ ਹੀ ਕਰ ਦਿੱਤੀ ਸੀ।ਅਦਾਕਾਰ ਓਮ ਸ਼ਿਵਪੁਰੀ ਨੂੰ ਵੀ ਦਰਸ਼ਕਾਂ ਨੇ ‘ਅੱਜ ਦੀ ਹੀਰ, ਲੌਂਗ ਦਾ ਲਿਸ਼ਕਾਰਾ ਅਤੇ ਧਿਆਨੂੰ ਭਗਤ` ਆਦਿ ਫ਼ਿਲਮਾਂ ਵਿੱਚ ਬਹੁਤ ਹੀ ਸਲਾਹਿਆ ਸੀ। ਅਦਾਕਾਰ ਕਿਰਨ ਕੁਮਾਰ ਦੀ ‘ਲਾਡਲੀ` , ਕੁਲਭੂਸ਼ਨ ਖਰਬੰਦਾ ਦੀਆਂ ‘ ਉੱਚਾ ਦਰ ਬਾਬੇ ਨਾਨਕ ਦਾ,ਮਾਹੌਲ ਠੀਕ ਹੈ, ਖ਼ੁਸ਼ੀਆਂ,ਦਿਲਦਾਰਾ,ਕਿਰਪਾਨ,ਚੰਨ ਪ੍ਰਦੇਸੀ ਅਤੇ ਸਾਡੀ ਲਵ ਸਟੋਰੀ`, ਮੁਕੇਸ਼ ਰਿਸ਼ੀ ਦੀਆਂ ‘ਮਿੱਤਰ ਪਿਆਰੇ ਨੂੰ,ਨਿਡਰ,ਵਾਰਿਸ ਸ਼ਾਹ,ਜੱਟ ਜੇਮਸ ਬਾਂਡ,ਟੌਅਰ ਮਿੱਤਰਾਂ ਦੀ ਅਤੇ ਸਿੱਕਾ`ਆਦਿ ਫ਼ਿਲਮਾਂ ਤਾਂ ਲਾਜਵਾਬ ਰਹੀਆਂ ਹਨ।
ਕਿੰਨੀ ਹੈਰਾਨੀ ਦੀ ਗੱਲ ਹੈ ਕਿ ਅਦਾਕਾਰ ਅਸ਼ੋਕ ਕੁਮਾਰ ਅਤੇ ਪਰਦੀਪ ਕੁਮਾਰ ਜਿਹੇ ਮੰਨੇ ਪ੍ਰਮੰਨੇ ਅਦਾਕਾਰਾਂ ਵੀ ਨੇ ਫ਼ਿਲਮ ‘ਬੰਤੋ` ਵਿੱਚ ਦਰLਸਕਾਂ ਦਾ ਭਰਪੂਰ ਮਨੋਰਜੰਨ ਕੀਤਾ ਸੀ। ਜਾਨਕੀ ਦਾਸ ਨੇ ‘ਧੰਨਾ ਜੱਟ, ਮਨ ਜੀਤੇ ਜਗ ਜੀਤ,ਰਾਂਝਣ ਮੇਰਾ ਯਾਰ` ਅਤੇ ਹੀਰਾ ਲਾਲ ਨੇ ‘ਮੇਰਾ ਪੰਜਾਬ, ਧਿਆਨੂੰ ਭਗਤ,ਮੁਟਿਆਰ, ਸੱਪਣੀ ਅਤੇ ਸਵਾ ਲਾਖ ਸੇ ਏਕ ਲੜਾਊਂ` ਅਤੇ ਜਗਦੀਸ਼ ਰਾਜ ਨੇ ‘ਪਵਿੱਤਰ ਪਾਪੀ,ਧਰਮਜੀਤ,ਸਵਾ ਲਾਖ ਸੇ ਏਕ ਲੜਾਊਂ`, ਹਾਸ ਅਦਾਕਾਰ ਓਮ ਪ੍ਰਕਾਸ਼ ਨੇ ‘ਚਮਨ,ਲੱਛੀ,ਮਦਾਰੀ,ਮਨ ਜੀਤੇ ਜਗ ਜੀਤ,ਪਾਪੀ ਤਾਰੇ ਅਨੇਕ ਅਤੇ ਸੁਖੀ ਪਰਿਵਾਰ`, ਅਦਾਕਾਰ ਜਾਨੀ ਵਾਕਰ ਨੇ ‘ਤੇਰੀ ਮੇਰੀ ਇਕ ਜਿੰਦੜੀ, ਦੁੱਖ ਭੰਜਨ ਤੇਰਾ ਨਾਮ ਅਤੇ ਵਿਲਾਇਤ ਪਾਸ`, ਸੁੰਦਰ ਨੇ ‘ਵਿਲਾਇਤੀ ਬਾਬੂ,ਚੰਨ ਪ੍ਰਦੇਸੀ,ਚੋਰਾਂ ਨੂੰ ਮੋਰ,ਟਾਕਰਾ,ਭਗਤੀ ਮੇਂ ਸ਼ਕਤੀ,ਯਮਲਾ ਜੱਟ,ਦੁੱਲਾ ਭੱਟੀ,ਭੰਗੜਾ,ਜੀਜਾ ਜੀ,ਮਦਾਰੀ, ਜੁਗਨੀ, ਛਾਈ,ਸੱਸੀ ਪੁੰਨੂੰ,ਲਾਰਾ ਲੱਪਾ,ਬੰਤੋ` ਅਤੇ ਮਨਮੋਹਨ ਕ੍ਰਿਸਨ ਜਿਹੇ ਸੀਨੀਅਰ ਬਾਲੀਵੁੱਡ ਅਦਾਕਾਰਾਂ ਨੇ ‘ ਦੁੱਖ ਭੰਜਨ ਤੇਰਾ ਨਾਮ,ਗੁਰੂ ਮਾਨਿਓ ਗ੍ਰੰਥ,ਮੈਂ ਜੱਟੀ ਪੰਜਾਬ ਦੀ ਅਤੇ ਛੜਿਆਂ ਦੀ ਡੋਲੀ` ਆਦਿ ਪੰਜਾਬੀ ਫ਼ਿਲਮਾਂ ਕਰਕੇ ਪੰਜਾਬੀ ਸਿਨੇਮਾ ਦੀ ਸ਼ੋਭਾ ਵਧਾਈ ਸੀ।
ਇਨ੍ਹਾ ਦੇ ਇਲਾਵਾ ਨਵੀਂ ਪੀੜ੍ਹੀ ਦੇ ਬਾਲੀਵੁੱਡ ਅਦਾਕਾਰਾਂ ਵਿੱਚੋਂ ਅਕਸ਼ੇ ਕੁਮਾਰ ਨੇ ‘ਦਿਲ ਪਰਦੇਸੀ ਹੋ ਗਿਆ,ਭਾਜੀ ਇਨ ਪ੍ਰਾਬਲਮ ਅਤੇ ਮਿੱਤਰ ਪਿਆਰੇ ਨੂੰ ਹਾਲ ਮਰੀਦਾਂ ਦਾ ਕਹਿਣਾ`,ਜੈਕੀ ਸ਼ਰਾਫ਼ ਨੇ ‘ਸਰਦਾਰ ਸਾਬ੍ਹ`,ਅਦਾਕਾਰ ਸ਼ਕਤੀ ਕਪੂਰ ਨੇ ‘ਰਹੇ ਚੜ੍ਹਦੀ ਕਲਾ ਪੰਜਾਬ ਦੀ,ਛੜੇ ਮਲੰਗ ਅਤੇ ਮੈਰਿਜ ਦਾ ਗੈਰਿਜ`,ਰਾਜ ਬੱਬਰ ਨੇ ‘ਲੌਂਗ ਦਾ ਲਿਸ਼ਕਾਰਾ,ਮੜ੍ਹੀ ਦਾ ਦੀਵਾ,ਯਾਰਾਂ ਨਾਲ ਰਹਾਰਾਂ,ਨਸੀਬੋ,ਮਾਹੌਲ ਠੀਕ ਹੈ,ਇਕ ਜਿੰਦ ਇਕ ਜਾਨ,ਸ਼ਹੀਦ ਊਧਮ ਸਿੰਘ,ਕੁਰਬਾਨੀ ਜੱਟ ਦੀ,ਤੇਰਾ ਮੇਰਾ ਕੀ ਰਿਸ਼ਤਾ,ਆਪਣੀ ਬੋਲੀ ਆਪਣਾ ਦੇਸ਼ ਅਤੇ ਆਸਰਾ ਪਿਆਰ ਦਾ`, ਹੁਸੀਨ ਅਦਾਕਾਰਾ ਜੂਹੀ ਚਾਵਲਾ ਨੇ ‘ਵਾਰਿਸ ਸ਼ਾਹ,ਦੇਸ ਹੋਇਆ ਪਰਦੇਸ,ਸੁਖਮਨੀ`, ਸੁਲਝੀ ਹੋਈ ਅਭਿਨੇਤਰੀ ਗ੍ਰੇਸੀ ਸਿੰਘ ਨੇ ‘ਲੱਖ ਪਰਦੇਸੀ ਹੋਈਏ,ਆਪਾਂ ਫੇਰ ਮਿਲਾਂਗੇ, ਚੂੜੀਆਂ`, ਕਵਿਤਾ ਕੌਸ਼ਿਕ ਨੇ ‘ ਨਨਕਾਣਾ,ਵਧਾਈਆਂ ਜੀ ਵਧਾਈਆਂ,ਵੇਖ ਬਰਾਤਾਂ ਚੱਲੀਆਂ, ਮਿੰਦੋ ਤਹਿਸੀਲਦਾਰਨੀ ਅਤੇ ਕੈਰੀ ਆਨ ਜੱਟਾ 3`,ਰਾਜਪਾਲ ਯਾਦਵ ਨੇ ‘ਆਰ.ਐਸ.ਵੀ.ਪੀ. ਅਤੇ ਚੰਡੀਗੜ੍ਹ ਅਮ੍ਰਿਤਸਰ ਚੰਡੀਗੜ੍ਹ`, ਬਾਲੀਵੁੱਡ ਦੇ ਚਰਚਿਤ ਖਲਨਾਇਕ ਰਾਹੁਲ ਦੇਵ ਨੇ ‘ਮਿਰਜ਼ਾ,ਧਰਤੀ,ਯੋਧਾ,ਜੀ ਕਰਦਾ,ਰਮਤਾ ਜੋਗੀ,ਯਾਰਾਂ ਦਾ ਰੁਤਬਾ,ਬੰਬ ਜਿਗਰਾ` ਅਤੇ ਮੁਕੁਲ ਦੇਵ ਨੇ ‘ਹਵਾਏਂ, ਬੁੱਰਰਾ…, ਹੀਰ ਐਂਡ ਹੀਰੋ,ਬਾਜ਼, ਸ਼ਰੀਕ,ਹੀਰੋ ਨਾਮ ਯਾਦ ਰੱਖੀਂ,ਜ਼ੋਰਾਵਰ,ਡਾਕਾ, ਜ਼ੋਰਾ 10 ਨੰਬਰੀਆ ਅਤੇ ਮੁੰਡਾ ਫ਼ਰੀਦਕੋਟੀਆ` ਸਣੇ ਕੁਝ ਹੋਰ ਫ਼ਿਲਮਾਂ ਵਿੱਚ ਆਪਣੀ ਜਾਨਦਾਰ ਤੇ ਸ਼ਾਨਦਾਰ ਅਦਾਕਾਰੀ ਵਿਖਾ ਕੇ ਦਰLਸਕਾਂ ਦੇ ਮਨ ਮੋਹੇ ਹਨ।ਇਨ੍ਹਾ ਤੋਂ ਇਲਾਵਾ ਅਦਾਕਾਰ ਮਨੋਜ ਪਾਹਵਾ ਨੇ ‘ਡਿਸਕੋ ਸਿੰਘ`,ਮੁਕੇਸ਼ ਤਿਵਾੜੀ ਨੇ ‘ਜ਼ੋਰਾ 10 ਨੰਬਰੀਆ,ਜ਼ੋਰਾ ਦਿ ਸੈਕਿੰਡ ਚੈਪਟਰ`, ਹਾਸ ਅਭਿਨੇਤਾ ਰਜ਼ਾਕ ਖ਼ਾਨ ਨੇ ‘ਮੈਰਿਜ ਦਾ ਗੈਰਿਜ`,ਗੁੜ੍ਹੇ ਹੋਏ ਅਦਾਕਾਰ ਪਵਨ ਮਲਹੋਤਰਾ ਨੇ ‘ਸੁਪਰ ਸਿੰਘ, ਪੰਜਾਬ 1984,ਇਕ ਸੰਧੂ ਹੁੰਦਾ ਸੀ,ਵਨਸ ਅਪੌਨ ਏ ਟਾਈਮ ਇਨ ਅਮ੍ਰਿਤਸਰ,ਏਹੁ ਹਮਾਰਾ ਜੀਵਣਾ ਅਤੇ ਗੇਲੋ`,ਪ੍ਰਮੋਦ ਮਾਊਥੋ ਨੇ ‘ਜਿੰਦੜੀ,ਸਾਡਾ ਹੱਕ, ਹਾਏ ਓ ਰੱਬਾ ਇਸ਼ਕ ਨਾ ਹੋਵੇ,ਮਿੰਨੀ ਪੰਜਾਬ`, ਗੋਵਿੰਦ ਨਾਮਦੇਵ ਨੇ ‘ਵੇਖ ਬਰਾਤਾਂ ਚੱਲੀਆਂ`, ਪੁਨੀਤ ਇਸਰ ਨੇ ‘ਫ਼ਤਿਹ,ਬੈਸਟ ਆਫ਼ ਲੱਕ,ਰੱਬ ਨੇ ਬਣਾਈਆਂ ਜੋੜੀਆਂ,ਤੇਰੀ ਮੇਰੀ ਗੱਲ ਬਣ ਗਈ ਅਤੇ ਜਗ ਜਿਊਂਦਿਆਂ ਦੇ ਮੇਲੇ`, ਸ਼ਾਹਬਾਜ਼ ਖ਼ਾਨ ਨੇ ‘ਜੱਟ ਜੇਮਸ ਬਾਂਡ,ਬਿੱਕਰ ਬਾਈ ਸੈਂਟੀਮੈਂਟਲ ਅਤੇ ਦਾਸਤਾਨ ਏ ਸਰਹਿੰਦ` ਅਤੇ ਪੰਕਜ ਤ੍ਰਿਪਾਠੀ ਜਿਹੇ ਅਦਾਕਾਰਾਂ ਨੇ ‘ਹਰਜੀਤਾ` ਆਦਿ ਫ਼ਿਲਮਾਂ ਵਿੱਚ ਦਮਦਾਰ ਕਿਰਦਾਰ ਨਿਭਾਅ ਕੇ ਪੰਜਾਬੀ ਸਿਨੇਮਾ ਦੀ ਸਾਖ ਵਧਾਈ ਹੈ।
ਬਾਲੀਵੁੱਡ ਦੇ ਕਈ ਹੋਰ ਵੱਡੇ ਅਤੇ ਨਾਮਵਰ ਅਦਾਕਾਰ ਜਿਨ੍ਹਾ ਨੇ ਪੰਜਾਬੀ ਫ਼ਿਲਮਾਂ ਨੂੰ ਚਾਰ ਚੰਨ ਲਗਾਏ ਹਨ, ਉਨ੍ਹਾ ਵਿੱਚ ਕਬੀਰ ਬੇਦੀ ਨੇ ‘ਯਾਰਾ ਓ ਦਿਲਦਾਰਾ ਅਤੇ ਯਾਰੀ ਤੇ ਸਰਦਾਰੀ`,ਰਜਿੰਦਰ ਨਾਥ ਨੇ ‘ਦੋ ਪੋਸਤੀ ਅਤੇ ਸੱਚਾ ਮੇਰਾ ਰੂਪ ਹੈ`, ਮੁਕੇਸ਼ ਖੰਨਾ ਨੇ ‘ਮਾਂਵਾਂ ਠੰਡੀਆਂ ਛਾਂਵਾਂ`, ਰਾਕੇਸ਼ ਬੇਦੀ ਨੇ ‘ਮੈਂ ਤੂੰ ਅਸੀਂ ਤੁਸੀਂ`,ਗਿਰਜਾ ਸ਼ੰਕਰ ਨੇ ‘ਉੱਚਾ ਦਰ ਬਾਬੇ ਨਾਨਕ ਦਾ, ਬਾਗ਼ੀ, ਗ਼ੱਦਾਰ, ਫ਼ਰਾਰ ਅਤੇ ਸਰਬੰਸ ਦਾਨੀ ਗੁਰੂ ਗੋਬਿੰਦ ਸਿੰਘ`ਪੰਕਜ ਧੀਰ ਨੇ ‘ਚੂੜੀਆਂ,ਕਪਤਾਨ ਅਤੇ ਸਰਦਾਰ ਜੀ`,ਗਜੇਂਦਰ ਚੌਹਾਨ ਨੇ ‘ਇਕ ਉਂਕਾਰ`,ਗੋਗਾ ਕਪੂਰ ਨੇ ‘ਖੇਲ ਤਕਦੀਰਾਂ ਦੇ`,ਪੰਕਜ ਬੇਰੀ ਨੇ ‘ਸੂਬੇਦਾਰ,ਸੀਤੋ ਮਰਜਾਣੀ,ਦਿਲ ਦੀਆਂ ਗੱਲਾਂ ਅਤੇ ਜੰਗ 1984`, ਅਵਤਾਰ ਗਿੱਲ ਨੇ ‘ ਉਡੀਕਾਂ,ਰੱਬ ਦਾ ਰੇਡੀਓ 2,ਮੁੰਡੇ ਕਮਾਲ ਦੇ,ਡਬਲ ਦਿ ਟਰਬਲ,ਮਿੱਤਰ ਪਿਆਰੇ ਨੂੰ, ਸਿੰਘ ਵਰਸਿਜ਼ ਕੌਰ,ਜੱਟ ਜੇਮਸ ਬਾਂਡ,ਤੂਫ਼ਾਨ ਸਿੰਘ` ਆਦਿ ਜਿਹੀਆਂ ਬੇਹਤਰੀਨ ਫ਼ਿਲਮਾਂ ਸਦਕਾ ਪਾਲੀਵੁੱਡ ਨੂੰ ਬੁਲੰਦੀਆਂ ਤੇ ਪਹੁੰਚਾਉਣ ਲਈ ਘਾਲਣਾ ਘਾਲੀ ਹੈ।
ਬਾਲੀਵੁੱਡ ਜਿਹੀ ਵੱਡੀ ਫ਼ਿਲਮ ਇੰਡਸਟਰੀ ਚੋਂ ਵਕਤ ਕੱਢ ਕੇ ਪੰਜਾਬੀ ਸਿਨੇਮਾ ਜਿਹੇ ਖੇਤਰੀ ਸਿਨੇਮਾ ਨੂੰ ਵੱਡਾ ਕੈਨਵਸ ਪ੍ਰਦਾਨ ਕਰਨ ਲਈ ਕੁਝ ਹੋਰ ਅਹਿਮ ਸਿਤਾਰਿਆਂ ਨੇ ਵੀ ਵੱਡਾ ਯੋਗਦਾਨ ਪਾਇਆ ਹੈ ਜਿਸ ਵਾਸਤੇ ਸਮੁੱਚਾ ਪਾਲੀਵੁੱਡ ਉਨ੍ਹਾ ਦਾ ਸ਼ੁਕਰਗ਼ੁਜ਼ਾਰ ਮਹਿਸੂਸ ਕਰਦਾ ਹੈ।ਆਇਸ਼ਾ ਜ਼ੁਲਕਾ ਤੇ ਅਵਿਨਾਸ਼ ਵਧਾਵਨ ਨੇ ‘ਖ਼ਾਲਸਾ ਮੇਰੋ ਰੂਪ ਹੈ ਖ਼ਾਸ`, ਯਾਮੀ ਗੌਤਮ ਨੇ ‘ਏਕ ਨੂਰ`,ਰਜਤ ਬੇਦੀ ਨੇ ‘ਗੋਲ ਗੱਪੇ`,ਜ਼ਹੀਰਾ ਨੇ ‘ਲਾਡਲੀ ਅਤੇ ਸਾਲ ਸੋਲ੍ਹਵਾਂ ਚੜ੍ਹਿਆ`,ਤਨੂਜਾ ਨੇ ‘ ਉੱਚਾ ਦਰ ਬਾਬੇ ਨਾਨਕ ਦਾ ਅਤੇ ਦਿਲਦਾਰਾ`, ਵੱਡੇ ਅਦਾਕਾਰ ਵਿਨੋਦ ਮਹਿਰਾ ਨੇ ‘ਮੌਜਾਂ ਦੁਬਈ ਦੀਆਂ` ਪੂਨਮ ਢਿੱਲੋਂ ਨੇ ‘ ਡਬਲ ਦੀ ਟਰਬਲ ਅਤੇ ਉਮਰਾਂ ‘ਚ ਕੀ ਰੱਖਿਆ`, ਵਿੱਦਿਆ ਸਿਨਹਾ ਅਤੇ ਸਿੰਮੀ ਗਰੇਵਾਲ ਨੇ ‘ਉਡੀਕਾਂ`, ਰੇਖਾ ਨੇ ‘ਸਾਲ ਸੋਲ੍ਹਵਾਂ ਚੜ੍ਹਿਆ`,ਮਧੂਮਤੀ ਨੇ ‘ ਸੱਪਣੀ,ਚੰਬੇ ਦੀ ਕਲੀ, ਮਨ ਜੀਤੇ ਜਗ ਜੀਤ`,ਹੈਲਨ ਨੇ ‘ਯਮਲਾ ਜੱਟ ਅਤੇ ਸੁਖੀ ਪਰਿਵਾਰ`, ਅਰੁਣਾ ਈਰਾਨੀ ਨੇ ‘ ਉੱਚਾ ਦਰ ਬਾਬੇ ਨਾਨਕ ਦਾ,ਲੰਬੜਦਾਰਨੀ ਅਤੇ ਜੱਟ ਦੁਬਈ ਦਾ`,ਉਮਾ ਦੇਵੀ ਉਰਫ਼ ਟੁਨਟੁਨ ਨੇ ‘ ਪਰਦੇਸਣ,ਸੱਪਣੀ,ਗੋਰੀ ਦੀਆਂ ਝਾਂਜਰਾਂ,ਮੇਲੇ ਮਿੱਤਰਾਂ ਦੇ,ਪਿੰਡ ਦੀ ਕੁੜੀ,ਮੈਂ ਜ਼ੱਟੀ ਪੰਜਾਬ ਦੀ`, ਅਦਾਕਾਰਾ ਮਨੋਰਮਾ ਨੇ ‘ਖ਼ਜ਼ਾਨਚੀ,ਸਹਿਤੀ ਤੇ ਮੁਰਾਦ,ਮੇਰਾ ਮਾਹੀ,ਕੋਇਲ, ਲੱਛੀ,ਪੋਸਤੀ,ਜੁਗਨੀ`, ਪਦਮਾ ਖੰਨਾ ਨਾਮਕ ਅਦਾਕਾਰਾ ਨੇ ‘ਧੰਨਾ ਜੱਟ, ਜਿੰਦੜੀ ਯਾਰ ਦੀ, ਅਤੇ ਸ਼ੇਰ ਪੁੱਤਰ`,ਨ ਸ਼ੀਲੇ ਨੈਣਾਂ ਵਾਲੀ ਨਿਸ਼ੀ ਨੇ ‘ਡੰਕਾ,ਨਾਨਕ ਨਾਮ ਜਹਾਜ਼ ਹੈ,ਲਾਈਏ ਤੇ ਤੋੜ ਨਿਭਾਈਏ,ਧਰਤੀ ਵੀਰਾਂ ਦੀ,ਸਤਲੁਜ ਦੇ ਕੰਢੇ,ਲਾਜੋ, ਲਾਡੋ ਰਾਣੀ,ਸੱਪਣੀ,ਪਿੰਡ ਦੀ ਕੁੜੀ, ਬੰਤੋ,ਢੋਲ ਜਾਨੀ, ਗੁੱਡੀ, ਭੰਗੜਾ, ਜੀਜਾ ਜੀ ਅਤੇ ਮੈਂ ਜੱਟੀ ਪੰਜਾਬ ਦੀ` ਅਤੇ ਖ਼ੂਬਸੂਰਤੀ ਦਾ ਮੁਜੱਸਮਾ ਕਹੀ ਜਾਂਦੀ ਵਿੰਮੀ ਨੇ ‘ਨਾਨਕ ਨਾਮ ਜਹਾਜ਼ ਹੈ` ਜਿਹੀ ਕੌਮੀ ਪੁਰਸਕਾਰ ਵਿਜੇਤਾ ਫ਼ਿਲਮ ਵਿੱਚ ਅਦਾਕਾਰੀ ਕਰਕੇ ਪੰਜਾਬੀ ਸਿਨੇਮਾ ਦੀ ਪੱਗ ਦਾ ਸ਼ਮਲਾ ਹੋਰ ਉੱਚਾ ਕਰ ਦਿੱਤਾ ਸੀ।
410, ਚੰਦਰ ਨਗਰ, ਬਟਾਲਾ। ਮੋ:97816 46008